Aban manqi 13 beynəlxalğə istikbari vədə ironi milləti muğavimət və səbarzəti nışonə.

Imruj 1 şanbə aban manqi 13 minnə ruj bərobər de milsdi 2018 minnə sori noyabri 4 minnə ruj İron İslam Respublikaədə de istikbar mubarizə bardeyu milliyə ruje.

39 sor çimi bə nav qıləy jıqonə rujədə yəni hicri şəmsi 1358 nə sori aban manqi 13 minnə ruji bərobər de milady 1979 nə sori noyabri 4 nə ruji ironıjə tələbəob Amerkə bə ironi islamiyə inğilabi zid veyə fitnəqərə hərəkəton etiraz kardeyu tehronədə bıə Amerkə səforətxonə ya həmon cəsusiyə lonə kontrolışon bəştə dast qəte.

islamiyə ironi millət ha sor ım ruji əziz qəteədə,əzəmətinə aksiya bərpo kardeədəıştə milli və islamiyə vəhdəti nışon dodən və islami inğilabi mesaj yəni İstiğlal,ozodəti, islamiyə Respublika fəryodi rost kardən.

aban manqi 13 ironi islamiyə inğilabi tarixi 3 qılə devranədə,3 qılə muhimmə hadisə bə yod vardəy.

ım 3 qılə muhimmə hadisə hicri şəmsi 1343 nə sori aban manqi 13 minnə ruji yəni milady 1964 nə sori noyabri 4 nə ruji mərhum imom Xomeyni bə Tırkiyə  vığande sorəqardışe,hicri şəmsi 1357 nə sori aban manqi 13 minnə ruji bərobər de milady 1978 nə sori noyabrə manqi 4 nə ruj pəhləvi rejimi tərəfo şaqirdon  bə ğətl rosne ruj, şaqirdon ruje və ironi islamiyə respublika təsisəkə mərhum imom Xomeyni roədə bıə tələbəon tərəfo tehronədə bə Amerkə cəsusiyə lonə  bə dast qəte  məsələ ha sor de istikbar mubarizə bardeyu ironi millətiyu zumandə hərəkət bı.

Partiyaon,orqanon və cəmiyyəton iyən siyasiyə təşkilaton zinə coə bəyonotonədə islamiyə ironi millətiku aban manqi 13 minnə ruji aksiyaədə əzəmətinə huzuriyu dəvətışon kardə.