De terrorizmi mubarizə barde sahədə İron və Rusiyə miyono nezə həmkarion.
İroni İslamiyə Şura məclesi rəis, məntəğədə de terrorizmi mubarizə barde mıvzoədə İron və Rusiyə miyono rabitəon mısbət hisobış karde.
Bə məcles aqentiyəti raporti əsos, İroni İslamiyə şura məclesi rəis, Əli Laricani zinə Tehronədə de Rusiyə doma əmniyyət iyən de rışvəxorəti mubarizə barde komissiya rəis Vaseli Biskarf vindemonədə de təkid bə 2 qılə kişvəri məcleson cəhd parlemantiyə həmkarion baxşədə tojə stratejikon icod karde xoto əlovəş do: Rusiyə parlemantiyə heyəton səfər bə İron 2 qılə kişvəri rabitəon inkişofədə mısbətə hərəkəton bois bəbe.
Laricani bə kibernetik əmniyyət iyən de narkotik madon və terrorizm mubarizə barde baxşonədə Rusiyə cəhdon votışe: ım sahəonədə xususi ğanunon icod karde nəzəku Rusiyə çokə hərəkətonış kardə ki İron ım sahədə 2 qılə kişvəri məcleson miyono təcrubəon və nəzəron mıbodilə tələb kardedə.
Rusiyə doma əmniyyət iyən de rışvəxorəti mubarizə barde komissiya rəis ijən de işorə bə İron və Rusiyə mısbət və sazəndə rabitəon, umidvarətiş karde ki İron və Rusiyə məcleson ixtisosiyə kamissiya uzvon səfəri ziyod bey vositə, kibernetik əmniyyət iyən de narkotik madon və terrorizm mubarizə barde baxşonədə həm bo həmkarion lozimə zəminəon hozzo bıbu.
