İnğilabi yolə rəhbəri:"zumand və oromə irağ"zumand deşmenon vədə bımando.
İslami inğilabi yolə rəhbəri zinə iraği prezdent Bərhəm Saleh və dəy həmro bə heyəti vindımonədə votışe: bə problemon ğələbə karde və deşmenon fitnəqərə hərəkətonədə mubarzə bardeyu irağədə milli vəhdəti hifz karde,de səhihə holəti dust və deşmeni zıne və beşərmə deşmeni vədə muğavimət,bə cıvonə kadron peştpurəti və de mərcəiyyət əlağon hifz iyən zumand kardeədəş zınə.
Həzrət Ayətullah Xamenei ,iraği məmləkətdə de muvəfəğə şərayeti parlamentiyə vıjnımoni bərpo karde və prezdent,1 minnə vəzir və coqlə məsul şəxson vıjniyeku iyən əmniyəti bərpokardeku ıştə şo mandeş elan karde və votışe: ısət ki iraği millət zılminə devrəon bəpeştə, məmləkəy soyb bə və istiğlal,sədo doe həx iyən vıjnımonış heste ,bəzi devləton və çəmə xəy nıpiyə məmləkəton çimi domoədən ta iraği millət ım səbarzəti və yolə nəticə təmi his nıkən və İrağ və məntəğə,oroməti dimi nıindon.
Həzrət Ayətullah Xamenei votışe:yeqanə ro de ım fitnəqərə hərəkəton mubarizə barde irağıjə qrupon mincumlə ərəb,kırd şiə və sınni miyonədə vəhdəti hifz kardeye.
Yolə rəhbəri de səhihə holəti iyən dəğiğə şərayetəndə dust və deşmeni zıneş xariciyə siyasətdə ve muhimmış zınə və votışe:bəzi devləton məntəğə və məntəğəku bə kəno de şiddəti islam,iraği şiə və sınnionku kinışon heste və iraği daxili koonədə dəxolət kardən ki bəpe çəvon vədə zumand bımandən və be şərmə deşmenon vədə mandeyu bəpe ve ciddi bıbən.
İslami inğilabi yolə rəhbəri votışe: islamiyə Respublika məsul şəxson de İrağ həmkarətion inkişaf doeyu ciddi iyən zumandə niyyətışon heste və az həm ve nığıl bə ım məsələ bovəm heste və əlavəş karde əziz,zuman ,mıstəğil və bə inkişafi tərəf şə irağ ironiyu ve foydəine və əmə ıştə irağıjə bıvon kənoədə bəmandemon.
Həzrət Ayətullah Xamenei eyne holədə ımsornə ərbəinı şemonədə 2 milyonisə ve bə ironıjə zairon huzuri işarəş karde və votışe:həmmə ironıjə zairon dılon oqarde bəpeştə iraği milləti mehmonpərvərətiku pur be və təşəkkur kardə bin və ım bəpeə səviyədə irağıjon bə ironıjə zairon xıdmət rusneku hikayət kardə.
