Dəvardə 7 manqədə İron 135 ton zəfəranış ixracat kardə.

İroni ditəsərrufati vəziri muavini votışe: 35 ton hışkə zəfəran dəvardə 7 manqi mıddətdə ixracat bə.

Bə İRNA xəbon əsosi Cəvad Mir Ərəb zinə İroni mərkəz Xomeyn şəhrədə zəfəraniyə nomo bıə festivalədə  əlavəş karde zəfərani ixracat dəvardə 7 manqi mıddətdə bə 178 milyon dollar valiyota daxil be bois bə ki əçəy qonəti cəhətdə 48 faiz və əçəy erji qorə 27 faiz  dəvardə sori həminə vaxti nisbətədə inkişafış bə.

İroni ditəsərrufati vəzorətxonə muavini votışe: İronədə 108 həzo hiktarədə zəfəran kaştə bedə və jıqo hisob kardə bə ki 1 sorədə 400 ton hışkə zəfəran istihsal bıbo.

İron İslam Respublika ki dınyoədə sıə ğızıl(zəfəran) istihsalədə 1 minnə vırəş heste dınyo zəfərani 94 faizi istihsal kardə.