İroni İnğilabi Yolə Rəhbəri tovsiyəon de kali İroni Telerədio koəkəyon vindemon karde.
De kali İroni Telerədio bərnmə hozıəkəyon, rejstoron və ifoəkəon İroni Yolə Rəhbəri vindemon karde bəpeştə ki pencşəmbə Abanə manqi 24(Noyabri 15) bərpo be, Həzrəte Ayətullah Xamenei ə ruji maştə tovsiəoni vaxti kam ome xoto votışone.
Bə Həzrəte Ayətullah Xamenei əsəron hifz və muntəşirəkə dəftəri raporti əsos ım tovsiıon,də ğeyd bıə deşməni həmmə tərəfiyə namə canqi inkor karde əbıni, əmmo kalion ə canqi inkor kardən ki ım ıştən nami canq i baxşışe. Im canqədə, hınə sohibon və fik və əndişə odəmon, bənə hərbi ğıvvon saxtə canqədən. Kali ım milliyə hadisə vədə betəfovut rədd bıbən, kali həm de deşmənon ibıdən və bəy komək bəkan, əvon məsuliyət ğəbul nıkardəyon ımon həm deşməni aşığin, de hərbi ğıvvon saxtə canqədə, mığoisə karde bəbe ım 2 qılə qrupi qıno təyin karde. İronədə ımruj kəsoni ki de məsuliyət, fik və ləyoğət cəhd bıkən kam nin, ım bəpe har ruj ziyod bıbu.
Im tovsiyə idomədə omə, İroni əzəmətinku, İroni mədəniyətiku, İroni ailəonku, İroni milləti əzəmətinə hərəkətiku mudafiə kardey fəğət de nıtğ votey və nıvışte nibəbe, hnə bəpe məydondor bıbu. Im miyonədə film və seriyalon vırə vey əlae. Seriyalonədə bə milliyə məsələon əhəmmiyət bəpe doə bıbu, əzizə şəhidonku, muğəddəsə mudafiəku, İnğilabiku, İslamiyə jimoni səbkiku, milləti imoniyə motivon və əlomətonku, dınyo fisodəkəyon və yolə cinoyətkoron vədə çı muğavimətiku, ərbəin şımoni nımoyeşiku və ... bıvotən; ım milləti əməli və elmi zərfiyəton, şucaət və istiğlol və əzəmətinə elmi iyən əməli zərfiyəton bəpe de hınə soibon cəhd bəyon bıbu. Im mıvzoon əncon doe de hınə və dırıstə cəzbəkə şivə əncom bıbu ki kişvəri daxıl və həm co kişvəron iyən millətonədə vey muxatəbonış bəbe.