Əmn və zumandə məntəğə de votımon iyən həmkari icod bəbe.

İroni xarıci vəzir zinə qıləy mesajədə diktatoriyə hukuməton iyən hakimon yeqanə karnəmə məntəğədə canq və bədbəxti icod karde zınəş be və votışe: ısət bə qıləy zumandə məntəğə ehtiyoce.

Muhəmməd Cəvad Zərif məntəğə 6 qılə kişvəron məclison rəison iclosədə İroni prezident Həsən Ruhani sıxənonku ğədrdonətiş karde və votışe: jıqo ki cənab prezident təkid kardışone ısət məntəğədə votımon, bə beynəl xalğiyə ğanun ehtırom noe siyasəton əvəz bey, əmniyyəti şəbəkəon icod karde iyən bə millət və mıştərəkə iğtisodi noğtəon diğğət karde ehtiyocimone.

Beynəl xalğ sahədə İroni islamiyə şura məclesi məxsus mışovir Husein Əmir Əbdullahiyan həm qıləy əmn və zumandə məntəğə icod karde muğəddəmə Ərəbiston və İ Bıə Ərəb Əmiron miyono çokə həmkari və de İron iyən İraği mehvəriyət tojə tərtibati icod karde zınəş be.

əv ıştə Twitter mesajədə təkidış karde: Bəhreynədə ğanuni dıvləti nı bey bıhran, Ərəbistonədə Cəmal Xaşeğçi bıhran iyən İ Bıə Ərəbə Əmiron və Ərəbiston bə i co Yəməni Bıhranədə qiriftorin, ım yəni Fars dıyo həmkari şuraku hiç çəy mandə ni.