İslami inğilabi yolə rəhbəri:inğilabi perəsəyon inkişaf bə deşmenon məğlubiyət bois bəbe.

İslami inğilabi yolə rəhbəri votışe: inğilabi perəsəyon inkişaf deşmenon bə mənəviyati hucumış de məğlubiyət dim bə dimış kardə.

Bə İslami inğilabi yolə rəhbəri dəftərxonə məlumat ərosnə mərkəzi elanon əsosi ,Həzrət Ayətullah Xamenei ironi şərğ hissədə,Cənubi Xorasan ostani şəhidon kanqıresi bərpokardəkəson vindımonədə ım ostanış qıləy dindar və alim pərvərə ostanış zınə və islami inğilabi hərəkaton iyən mığəddəsə mudafiyə devranədə ım ostani cəmaəti hərarətin və təsir bınə huzuriku təşəkkurış karde və votışe: ımruj şəhidon  məğami yol qəteyu təşkil bə mərasimon həmməysə çok və şərafətinə konədəy və məmləkət bəy ehtiyociş heste.

İslami İnğilabi yolə rəhbəri mənəviyə məsəlonədə bə deşmenon yolə hucumon işarəş karde və ıştə bəyonoton dəvomədə əlavəş karde əlbətdə İslamiyə İroni həmmə vıronədə inğilabi perəsəyon kamilən oşkoye və ım perəsəyon fəaliyətonədə deşmen bə mənəviyat hucum bardeədə həm bənə saxtə canq de məğlubiyət dim bə dim bəbe.

Yolə rəhbəri şəhidon məğami yol qəteədə bə mərasimon keyfiyətin bərpo karde zərurət və çəvon xatiron və əhvoli ğeyd iyən kəşe işarəş karde və votışe: əzizə şəhidon ıştə həyatdə dıştə coni bə mudafiyə meydon daxil bin və ımruj dıştə şəxsiyyət və mənəviyət məmləkət və islamiku mudafiyə kardən.

boçimi xoto  mığəddəsə mudafiyə oərəx ni və inkişafi holədə qıləy həğiğəte.

İslami İnğilabi yolə rəhbəri bəyonot ki noyabri 5 nə ruji Cənubi Xorasan ostani şəhidon kanqresi bərpoəkon vindımonədə bəyon be ımruj sıb ım iclosi bərpokardə vırə Cənubi Xorasan ostani mərkəz Bircənd şəhrədə nəşr be.