Ayətullah Haşemi Şahrudi bə rəhmət şe.

İroni məsləhəti təin əkə təşkilati rəis və məhkəmə nakonə rəis,Ayətullah sed Məhmud Haşemi Şahrudi, I devrə noxəşəti tov varde bəpeştə , bə rəhmət şe.

Bə İRNA xəbon əsosi Ayətullah Sed Məhmud Haşimi Şahrudi hicri şəmsi 1327 nə sori bərobər de milady 1948 nə sor Nəcəfe Əşrəf şəhrədə qıləy məzhəbiyə ailədə bə dınyo omə.

Ayətullah Haşimi Şahrudi hicri şəmsi 1373 nə soriku mıxtəlif devrəonədə bə İron İslam Respublika əsosə ğanonon nəzorətəkə şura  uzv bə.

Ayətullah Haşimi Şahrudi hicri şəmsi 1378 nə soriku desbə 1388 yəni milady 1999 nə soriku desbə 2009 nə sori avqosti 14 minnə sor,islamiyə inğilabi yolə rəhbəri tərəfo ironi islamiyə respublika məhkəmə təşkilati rəis vıjniyə be.

Xobreqane rəhbəri məclisi 3.,4 və 5 nə devrəonədə uzviyət,Ayətullah Haşemi Şahrodi coqlə məsuliyətonku bə.

Ayətullah Haşimi Şahrudi hicri şəmsi 1390 minnə sori mordad manqi 3 nə rujiku  ixtilafon həl kardeyu aliyə heyəti rəis iyən devlət,məhkəmə və məclisi miyonədə bıə əlağon bə ğaidə eğandeyu heyəti rəis bə və hicri şəmsi 1396 nə  sori mordad manqi 23 nə rujiku bə islamiyə inğilabi yolə rəhbəri hıkmi əsos İroni İslamiyə Respublika nizomi məsləhət təin əkə təşkilati rəis be.

Ayətullah Şahrudi çandə manq noxəşəti bəpeştə zinə şanqo 70 sorətiədə tehroni qıləy noxəşxonədə bə rəhmət şe.