İroni Yolə Rəhbər bə Ayətullah Haşımi Şahrodi cənozə nımoj votışone. 

İroni Yolə Rəhbər ımruj Tehronədə çı İroni nizomi məsləhəti mıəyyənəkə icma bə rəhmət şə rəisi cənozə təşyi mərasimədə iştirok iyən bə Ayətullah Haşımi Şahrodi cənozə məit nımoji votışone. 

Im mərasimədə ki kali İroni rəsmi şəxson huzurışon be Həzrəte Ayətullah Xamenei bo ə mərhum ilahi rəhmət iyən məğfərəti tələb kardışone. 

Peşp mərhum Ayətullah Şahrodi cənozə momen iyən ğədrşenosə cəmaəti daston sə təşih iyən bo dəfni mərasim bə Ğom iyən Həzrəte Xanum Məsomə(s) ovıştoniyə bəy. 

Im şanqo və maştə həm çandə mərasimon Ğom və Tehronədə bo ə yolə alemi məğomi əziz qəte İroni Yolə Rəhbəri tərəfo bərpo bəbe. 

İroni nizomi məslehəti mıəyyənəkə icma rəis iyən İroni məhkəmə təşkilati nakonə yol Ayətullah Seyed Məhmud Haşımi Şahrodi çand sor noxəşi bəpeştə 2 ruj çımiku bənav 70 sorti sinədə bəfotış karde həminə mınosıbəti xoto ımruj İronədə umumi əzo və elan bıə. 

Xəbə ome Əfğanıstoni şiə alimon aliyə şura rəis Ayətullah Muhəmməd Asef Mohseni ijən Pakistoni mısılmonon vəhdət Məclesi yol Əllamə Raca Naser Əbbas Cəfəri həm xusosi mesajon vasitə ım mısibəti səbəsəlomtəti votışone.