İron Mənbec şəhrədə Suriyə milliyə boydəği rost beyku himoyədorətiış karde.

İroni xarıci vəzarətxonə sıxənəvot Mənbec şəhrədə Suriyə milliyə boydəği rost bey mısbətə hərəkət hisobış karde.

Bə İroni xarıci vəzarətxonə mediyaiyə diplimatiyə idorə zinə raporti əsos, İroni xarıci vəzarətxonə sıxənəvot Bəhram Ğasımi de işorə bə bə Mənbec şəhri Suriyə ğıvvon varid bey votışe: bə Suriyə ərazi təmomiyot və milliyə hakımiyəti ehtırom karde sayədə İron Mənbec şəhrədə suriyə milliyə boydəği rost bey ım kişvəri həmmə baxşonədə çı Suriyə ğanuniyə dıvləti hakımiyəti təsdiğ karde cəhətədə muhimmə hərəkəte və Suriyədə bıhroni həl karde xoto tojə muvəffəğiyət zıneydə.

Suriyə ərtışi sərkamanda zinə bə Mənbec şəhri çı Suriyə hərbion varid bey və ım şəhrədə Suriyə milliyə boydəği rost kardeyku xəbəş do.

Suriyə ərtışi sərkamanda informassiyaədə de təkid bə hərbion təəhhudi ım kişvəri həmmə vırəonədə dıvləti hakımiyəti icra karde xoto milliyə vəzifəon əncom doe elanış kardə: bə Mənbec şəhri Suriyə ərtışi varid bey ım şəhri əholi tələbi bəpeştə əncom bıə.