Muhəmməd Cəvad Zərif bə Britaniyaku İroni tələbi səy zərurəti təkidış ka.

İroni İslam Respublika xarıci vəzir zinə bə İnqiltərəku İroni tələbi 40 sor dəvarde işarəş karde iyən votışe: London bəpe İroni milləti tələbon bıdə iyən co rooş ni.

Bə Fars aqentiyəti raporti əsos, Muhəmməd Cəvad Zərif İnqiltərəku İroni 450 milyon pond tələbi barədə de Həmşəhri rujnomə mısohibədə təkidış kard: ım tələbi səy barədə de İnqiltərə Tehroni muzakirəon əncom bıə.

İroni xarıci vəzir bə ım dussiyə məhkəmə mərhələdə dəvom karde işarə və təsdiğış kardə: məhkəmə mərhələdə bə çokə nəticəon rəsəmone.

İnqiltərəku İroni 450 milyon pond tələb 1976 və 1974-nə soronədə bıə 1500 qılə Çiften tanq və 250 zerehinə maşini bə İron həhate mığovilə barədəy ki İroni islamiyə inğilabi bəpeştə və bə İroni əleyh ğərbi zalımonə sanksiya oko doey xoto ləğv əməli nıbe.

Hağğə ədliyə beynəl xalğiyə məhkəmə İnqiltərəş bə ım ğarzi pərdaxt karde və İroni zərəl-ziyoni doe məhkumış karde.