Vyanaədə İroni nımoyəndə: bə İroni zidd sanksiya, Avropa məsuliyətədə inhirofon mənodəy.
Viyanaədə bıə beynəl xalğiyə təşkilatonədə İroni daimə nımoyəndə və səfir bə İroni qıləy təşkilati baxşon zidd Avropa İttifoği tojə sanksiyaon tam ğəbul nıkardənin və çəvon məsuliyətədə inhirof zınəş be.
Bə İrna raporti əsos, Twitterədə Kazım Ğərib Abadi nıvışte: qıle holədə ki Avropa bo Mınofığin terroristiyə qrupon və co terroriston ki həzo-həzo nəfər çı İroni ğeyri hərbi şəhrvandon terror kardən, ğəbul karde qıləy əmnə cənnəti icodış kardə, əmmo Avropa İttifoğ İroniku tənğid iyən əməni sanksiyaş karde.
Avropa ittifoğ seşəmbə ruji bə xomə ittihamon əssos, İroni təşkilati qıləy baxşonku və 2 nəfəri çı koəkəyonış sanksiya siyahiədə ğeydış ka.
İroni xarıi vəzarətxonə rəsmi şəxson çimiku bənav Avropaədə bə İron İslam Respublika əleyh plan bıə iddion rəddış kardə be və əvoni çı sionist rejim cəsusi mərkəzi cəhdon ətomiyə sazışiku Amerkə xarıc bey bəpeştə bo Tehron-Brusseli rabitə xərob karde hisobış ka.
Avropavıjon ittihamon qıləy holədəy ki çand kişvəron bənə Fransə, Danimardə və Hollandiyədə anti İroni terroristiyə qrupon bənə mınofiğon qrupon ki həzo-həzo İroni şəhrvandonış ğətliam kardə ğəbul bıən.
