De Həzrət Zeynəb(s) viladəti sorəqardışi mınosibəti təbrik.

Imruj şanbə 2019 minnə sori yanvari 12 bərobər de hicri ğəməri 1440 nə sori cəmadiuəvvələ manqi 5 Həzrət Zeynəbe Kubra(s) viladəti sorəqardışe.

Həzrət Zeynəb(s) həmmə zəmanonədə ozodəti tələb bıkə iyən de zılm mubarizə bıkə jenon və merdon olqoy.

Həzrət ıştə əzizə bıvə ,dınyo şiəyon 3 minnə imom Həzrət imom Huseyn(ə) kənoədə bə domo mandə cəriyanədə ki  islamiku mudafiyə karde nomo Kərbəlo yolə faciəşon icod karde mubarizə bardə be.

Həzrət Zeynəb(s) qıləy yolə xanım be ki bə zinə,ımruj və omə rujon aid be.çunki insoniyə kəromət Xıdavəndə xalıği bandəti,ədoləti tələb karde və şərafət iyən ozodəti erjoni hestin ki bə ictimaiyəti qıləy məxsusə devrə aid ni.

Həzrət Zeynəb Kubra(s)  mubarəkə vocod ha ruj islami əzizə rəsul(s)  məhəbbət iyən aqahətiku tojə con qətdə be və ıştə əzizə dədə dınyo şiəyon 1 minnə imom Həzrət imom Əli(ə) elm və bəlağətiku bəhrə əbi və çəy ruh əçəy əzizə inə Həzrət Fatimə(s)  domənədə bə oroməti rəsə.

əv həzrət imom Huseyn(ə) şəhodəti bəpeştə dınyo şiəyon 4 minnə imom Həzrət imom Səccad(ə) coni hifz kardeyu ıştənış vəzifədo vinde boçimi xoto ve saxtə şərayetədə cinayətkaron və sitəmqəron vədə mande və duş bə duş də həzrəti dıştə zumandə qəpon islamı deşmenonış rısvo karde.

İron İslam Respublika telerədyo təşkilat islamı ğəhrəmanə xanım Həzrət Zeynəb Kubra(s) viladəti sorəqardışi bə həmmə mıslmonon məxsusən tolışə dindaron təbrik votdə.