İronədə mudafiə hozzoəti pik hədədəy.

İroni sepah təşkilati həmohənqəkə muavin bə İroni inğilabi 40 minə sorəqardışi işorəş karde və votışe: İron ijən ım səbarzəti mərasimon dəvonedəy va ıştə iğtidor iyən ğudrəti nımoyış doe holədəy.

Bə İrna raporti əsos qeneral Əli Fədəvi Əhvazədə təkidış karde: be şək ome rujonədə de İroni inğilabi 40 minə sorəqardışi dəvardə İron bə viyə zumandəti bərəsə ki roşinə tale bois bəbe.

Əv votışe: bənə dəvardə soron ımsornə Bəhmənə manqi 22ədə çı İroni milləti əzəmətinə huzuri moşahid bəkamon ta ım nizomi səpo mand bə dınyo ğubut kəmon.

Qeneral Fədəvi dəvardə 40 sori mıddətədə çı deşmənon planon məhvəkə yeqanə illəti milləti hozzo mande iyən şəhidon xoi bərəkət zınəş be.

Tojədən Əfğanıstoni milli rifoh partiya Muhəmməd Həsən Cəfəri həm İroni islamiyə inğilabi məntəğə və dınyoədə dıyo təhəvolaton amil zınəş be.

Əmmo Əfğanıstonədə de İroni inğilabi səbarzəti sorəqardışi həmzəman şiə və sınni alimon İroni inğilabi təsisəkə mərhum İmom Xomeyni(r) vırə məğomiku təğdirışon karde.

Əvon de İroni Yolə Rəhbəri hidayəton 1979ədə İronədə bə vıcud ome inğilabi qıləy yeqanə xosusiyə hərəkət hisobışon karde.

Ermənistonədə həm de İroni inğilabi 40-nə sorəqardışi həmzəman Ayqıstonədə arsi zıvoni omote məxsusə dıvrə bino be.