İnğilabi Yolə Rəhbər: Suriyəku himoyə muğavimətiku himoyə zındəmon və bəy fəxr kardəmon.

İslami inğilabi yolə rəhbər de Suriyə prezdent vindımon kardeədə votışe: Suriyəku himoyə karde muğavimətiku himoyə karde zındəmon və bəy fəxr kardəmon.

Bə yolə rəhbəri dəftərxonə məlumat ərosnə mərkəzi elanon əsosi islamiyə inğilabi yolə rəhbəri Həzrət Ayətulla Xamenei zinə sıb Suriyə prezdent Bəşar Əsədı vindımonədə Suriyə səbarzəti iyən Amerkə və məntəğə muzdoron məğlub karde sirrış Suriyə prezdent və  milləti istiğamət və çəvon bə muğaveməti ciddiyə bovəonku iborətış zınə və votışe:İron İslam Respublika bə Suriyə devlət və millət komək karde bə muğavemət hərəkat və cəriyani komək karde zındəy və səmime ğəlbiku bəy fəxr kardə.

Həzrət Ayətulla Xamenei ,bıhroni əvvəliku de sədoğətinə holət İron İslam Respublika Suriyə millət və devləti kənoədə mandeku işarəş karde və ıştə sıxanon dəvomədə əlavəş karde Suriyə dıştə milləti istiğamət və həmroəti karde zınəşe  Amerkə,Avropa və məntəğədə çəvon şərikon yolə koalisiya vədə mande və de səbarzəti çı hadisəku xaric be.

İslami inğilabi yolə rəhbəri suriyədə muğavimət cəriyani səbarzətiş  bə amerkəvıjon xışmqinəti  iyən tojə fitnəqərə hərəkətonru çəvon  fəaliyət kardeyu boisış zınə və ım cəhətdə bə qıləy nımonə işarə kardeədə votışe: bofer zona məsələ ki amerkəvıjon suriyədə çəy icod kardeyu bə hərəkətin mincumlə çı xətoə hərəkətonədəy ki bəpe ciddiyə sorətədə əy rəd karde və çəy vədə muğavimət karde.

Yolə rəhbəri amerkəvıjon bərnaməş İrağ və Suriyə sərhədonədə təsir bınə huzuriyu çəvon planon coqlə nımonəş zınə və votışe:İron və Suriyə iyandı nığılə strateqiya hestin və muğavimət cəriyani şəxsiyət və ğıvvə bə ım mıtəmadi və stratejikə əlağə vabəstəy,boçimi əsos  deşmenon nibəznen ıştə planon bə nəticə rosne.

ım vindımonədə Suriyə prezdent Bəşar Əsəd İron İslam Respublika,tərəfo Suriyə məmləkətiku həmmə cəhətə himoyəonk xoto təşəkkurış karde və votışe:Suriyə canq,bə ironi zid 8 sorə canqi mandə və islamiyə respublika ım hadisədə de fədakarəti çəmə kənoədə be.