De vəzrət Fatimə Zəhra(s) viladəti sorəqardışi mınosibəti təbrik.

Imruj 3 şanbə hicri şəmsi 1397 nə sori esfəndə manqi 7 bərobər de hicri ğəməri 1440 nə sori cəmadiussani 20,miladi 2019 minnə sori fevrali 26 nə ruj islami əzizə peyğəmbər(s) kinə həzrət Fatimə Zəhra(s) səadətinə viladəti sorəqardışe.

Həzrət Fatimə Zəhra(s) hicrətiku 8 sor bə nav  cəmadiulsani 20 nə ruji bə dınyo omə.

ım əzizə xanım vəhı kədə və dıştə əzizə dədə islami əzizə peyğəmbər(s) hidayət bə kəmal və elm iyən fəziləti əlaə mərtəbəon rəsə.

Həzrət Muhəmməd(s) əzizə kinə eyne holədə dınyo şiəyon 1 minnə imom imom Əli(Ə) qam iyən səfaş bıə kədə həmməysə çokə şərayetədə həyat həmro iyən qıləy inə vəzifəş əncom do və bənə imom Həsən(ə),imom Huseyn(ə) və Həzrət Zeynəb(s) yol və əzəmətinə insononış ıştə domənədə perosnişe.

Həzrət Fatimə Zəhra(s) həmmə cəhətonədə dınyo jenon olqo be və həzrəti viladəti ruj ironədə ki bərobəre  de islamiyə inğilabi təsis əkə mərhum həzrət imom Xomeyni təvəlodi sorəqardış bənə inə və jenon ruj nom noə bə.

bı rujədə jenon və məxsusən inəon məğamiku yod və təşşəkur bedə.

ım əzizə ruji bə həmmə tolışə inəon və xanımon təbrik votdəmon.