Ğasımi:İron daxili və xarici məsəlonədə co kəsonku icazə sedə ni.

İroni xarici koon vəzorətxonə sıxanəvoti votışe:İron İslam Respublika ,şərt ğəbuləkə məmləkət ni və daxili iyən xariciyə məsəlonədə cokəsonku icazə sedə ni.

Bə ironi beynəlxalğə kanali jurnalisti elanon əsosi İroni xarici koon vəzorətxonə sıxanəvot zinə de daxili və xariciyə jurnaliston ha haftə təşkil bə iclosədə məntəğədə ironi nufuzi kam be vədə 2 tərəfə həmkarətion inkişaf doe barədə Avropa itifaği şərton həxədə əlavəş karde məntəğədə ironi nufuz ki Avropa və sionist rejimi tərəfo çəy piyədə bəzi hərəkəton təşkil bedə milləti  tərəfo qıləy nufuz iyən zotiyə nufuze və devlət iyən hukuməti tərəfo qıləy məxsusə hərəkət ni.

Ğasımi votışe: məntəğədə ironi mənəviyə nufiz qıləy məsələ ni ki bıbo 1 ya 2 qılə məmləkəti tələbədə əy kam ya ve karde və əlavəş karde İron dıştə lozim bə istiğlal məntəğə iyən beynəlxalğə səviyədə ıştə siyasəton bə nav bəbay.

İroni xariciyə koon vəzorətxonə sıxanəvot Ərəbıstonı vəliəhd Muhəmməd Bin Səlmanı bə Pakistan tojə təşkil doə səfər və ım məmləkəti de İron əlağon barədə votışe:Tehron-İslam abad əlağon ğədimi hestin və 2 qılə hamsuyə məmləkət 2 tərəfə əlağonədə bə mısbətə hamsuyəti əhəmmiyyət dodən.

Ğasımi votışe:Sistan və Bəloçestan ostanədə terroristiyə hadisə bəpeştə İron və Pakistanı əlağonədə tojə təşkil bə ixtilafon çı məmləkəti hakimiyəti tələb ni və əlavəş karde jıqonə şərayetədə İron,Pakistanı devlətiku tələbış kardə de veyə ciddiyət 2 qılə məmləkəti sərhədon əmniyəti təmin karde bəhsi domo bıqəto və ım cəhətdə İron və Pakistanı miyonədə daimiyə əlağon vocodış heste.

İroni xarici koon vəzorətxonə sıxanəvot Hindostanı miyonədə bıə ixtilafon və çəy vədə ironi siyasəti barədə votışe:İron İslam Respublika həmmişə Hindostan və Pakistanı miyonədə problemon ve beş bə beynəlxalğə şərayeton diğğət doe əsosi çı 2 qılə məmləkəti miyonədə bə heç tərəfi məsləhətış zınə ni və tərəfonku tələbış kardə de sulhinə roon ıştə ixtilafon həl bıkən.

Ğasımi əlavəş karde ehtiyoc bə vaxtədə İron,Hindostan və Pakistanı miyonədə sulh və dustiyəti icod kardeyu har qılə komək kardeyu hozzıy.

İroni xarici koon vəzorətxonə sıxanəvot,Suriyə prezdent Bəşar Əsədı bə Tehron tojə təşkil doə səfəri həxədə işarəş karde və votışe:jıqo səfəron barədə bə məy siyasi və əmniyətiyə əsəron diğğət doe əsosi umumən çəy həxədə na bə nav məlumat dədə nin.boçimi əsos çəy bə İron daxil iyən xaric beədə səhihə ro nəzədə qətə be və təbiətən əvoni ki bəpe aqahətişon əbi ım səfəri cəriyanədə bin.

Ğasımi,İnqiltərə devləti tərəfo Livani hizbullah nomi terroristiyə qrupon siyahiədə ğəror doe həxədə votışe:çokədiyədə İnqiltərə bə stratejikə xəto roş doə və bevəcə diyədə ım siyasət de məntəğə bəzi məmləkəton bə çokə əlağon oqardedə.

İroni xarici koon vəzorətxonə sıxanəvoti votışe:Hizbullah Livani hakimiyət və parlamenti muhimmə baxşe ki dəvardə soronədə terroristiyə ğıvvon vədə muğavimət kardeədə,terroriston, coqlə məntəğon muncumlə avropaədə inkişaf karde navışon qətə.