Ruhani:Nuyə Zelandiya cinoyət de islaməfobiya mubarizə barde zərurətiyo coqlə nışonəy.

İron İslam Respublika prezdent zinə şanqo qıləy mesajədə Nuyə Zelandiya terroristiyə hadisə məhkum kardeədə əlavəş karde ım vəhşiyə cinayət de terarizm iyən mıxtəlif dinon və toyfan həxədə nifrət pevılo karde və ğərbədə islamə fobiya mubarizə barde zərurəti oşko kardə ki de təəssıfi bəzi ğərbiyə devləton tərəfo ruj bə ruj ve bedə.

Bə İRNA xəbon əsosi Həsən Ruhani ım mesajədə votışe:ğərbədə bəzi mediyaon tərəfo ki veyə iddaşon heste ım terroristiyə cinayəti həxədə çokə bərnamə hozzı nıkarde və ğeyre insoniyə holətədə əy pevılo karde coqlə sənəd çəvon erğçiyəti və 2 dimə standardonku hətta insonon coni barədəy və əlavəş karde ım vəhşiqərəti və oşkoə zılm qıləy hadisə ni ki,oğoə vicdanon və bə insoniyə erjon əhəmiyət doəkəson əy yoddə bekən.

Prezdent Ruhani votışe:beynəlxalğə ictimaiyəton məxsusən islamiyə məmləkəton bəpe bə insoniyəti zid ım cinayəton vədə ciddiyə reaksiya nışon bıdən və jıqo hərəkəton oşko və sirriyə tərəfdaron rısvo bıkə.