De dınyo şiəyon 9 nə imomi viladəti sorəqardışi mınosibəti təbrik.

Imruj 1 şanbə hicri ğəməri 1440 nə sori rəcəbə manqi 10 bərobər de milady 2019 minnə sori marti 17,dınyo şiəyon 9 nə imom həzrət İmom Muhəmməd Təği(ə) səadətinə viladəti sorəqardışe.

İmom Muhəmməd Təği (ə) hicri ğəməri 195 nə sori rəcəbə manqi 10 nə ruji Mədinə şəhrədə bə dınyo omə və dınyo şiəyon 8 nə imom ıştə əzizə dədə İmom Rıza(ə) şəhodəti bəpeştə mıslmonon rəhbərəti məsuliyətış bə qi qəte.

İmom Muhəmməd Təği(ə) mubarəkə ləğəb Cəvaduləiməy.

İmom Rıza(ə) ıştə avlod İmom Cəvad(ə) məğami həxədə votedə:az qıləy zoəm heste ki bənə Musa(ə) elmi dıyoon okardəkəse.

İmom Cəvad(ə) 8 sorətiədə bə imomət rəsə və 17 sor həzrəti imomət bə,yəni həzrət ıştə imomət devranış hırdənətiku desbə cıvonəti dəvoniyəşe.

İmom Cəvad(ə) İmoməti devranədə mıxtəlif,islami və ğeyre islamiyə fırğəon inkişafış kardə be və bə coqlə milləton elmon və fənon xususiyə diğğət bedə be ,boçimi xoto dınyo şiəyon 9 nə İmom bə elmi və etığadiyə bəhson daxil be və  mıxtəlif dinonədə bıə ıştə muxalifon munazirədə de ilahiyə sərmayə imamətiku mudafiyə kardə be.

islamiyə ironi dindarə millət İmom Muhəmməd Təği(ə) səadətinə viladəti sorəqardışədə mığədəsə vıron məxsusən dınyo şiəyon 9 nə imomi əzizə dədə İmom  Rıza(ə) pokə hərəmədə şoə  mərasimon bərpo kardən.

İron İslam Respublika telerədyo de İmom Muhəmməd Təği(ə) viladəti sorəqardışi mınosibəti bə həmmə mıslmonon və dınyoədə ozodəti tələb kardəkəson təbrik votdə.