Şirazı oveyzi nəticədə İslami İnğilabi yolə rəhbəri mesaj.
İroni cənub Şirazı viron əkə oveyzi bəpeştə İslamiyə inğilabi yolə rəhbəri bə ım şəhri cumə imom vığandə mesajədə,bə mısibət vində cəmaəti səbəsəloməti doeədə,bə hadisə vindəkəson de surəti iyən ciddiyət imdod rosneş tələb karde.
Bə Həzrət Ayətullah Xamenei əsəron hifz iyən nəşr əkə dəftərxonə elani əsosi İslamiyə inğilabi yolə rəhbəri bə Şirazı cumə imom huccətul islam Lutfullah Dejkam vığandə mesajədə oməy Şirazı norohər əkə iyən viron əkə oveyz ki bə çandə nəfəri rəhmət şe və idi əyamədə bə ailon mısibət iyən bə qıləy cəmi yarəjə be bois bə və şəhrədə bə vironi və ziyan səbəb bəy bə çıman norohəti bois be.
Həzrət Ayətullah Xamenei əlavəş karde Şirazı cumə imom huccətul islam Dejkam çıman səlomi iyən səbəsəloməti bə mısibət vində ailon və yarəjəon bırosın və çəvon ğəmi kam karde iyən mısibəton və ziyanon cubran kardeyu de devlətiyə məsul şəxson həmkarəti bıkən və bə həmmə sıfariş kardəm ıştə vəzifə əncom doeədə surət və ciddiyətış bıbo.
Şirazı 2 şanbə rujnə oveyzi nəticədə 19 nəfər bə rəhmət şin və 105 nəfər həm yarəjə bin.