Tehroni cumə nımoji xətib: İslamiyə Respublika rişə İslami yolə inğilobədəy.

Tehroni cumə nımoji xətib votışe: İroni İslamiyə Respublika rişə İslomi Yolə İnqilobədəy.

Fərvərdinə manqi 12 İroni İslomiyə Respublika ruji astanədə Tehroni cumə nımoji xətib huccətul-islam Muhəmməd Cəvad Hac Əliəkbəri əlovəş karde: jəğo ki İroni nizomi təsisəkə İmom Xomeyni(r) təsdiğış karde İroni İslamiyə Respulika nə i kələmə kam və nə i kələmə ziyod İnğilobi 2 minnə ğədəmi dovranədə itərəf milləti çəşi vədəy və co tərəf dlnyo cəmaəton karde bəznın de çəyku ilham qəte bə təali tərəf ıştə roy mıəyyən bıkən.

Huccətul-islam Muhəmməd Cəvad Hac Əliəkbəri Fərvərdinə manqi 12-nə ruji çı İslamiyə Respublika moəku bey, əzəmətin iyən tale təinəkə ruj hisobış karde və de həminə mınosıbəti  təbrik ərz karde votışe: dışmenon bərnomə iyən plan bə İroni milli iradəon zərbə varid kardeye.

Tehroni cumə nımoji xətib İroni Yolə Rəhbəri tərəfo sori şuari mıəyyən karde bo milli iradəon zumandətiro alimanə iyən koşınasi cəhəton iyən metod zınəş be və votışe: milli iğtisod de istehsalədə rovnəği karde bəzne sanksiya, xarıci fişar iyən dışmənon xəbisətion vədə muğavımət bıkə.

Tehroni cumə nımoji xətib təkidış karde: sori şuari vıjniye çı umumi iradə və tələbon hidoyətəkəy ta millət karde bızono ıştə yolə ğədəmonış bə çokə rujon tərəf hərəkət bıdə, liza sori şuari mıəyyən karde bo iradəon həmohənq kardero ustadanə metod hisob bıdə.