İraği iminə vəzir bə İran varid be.

İroni prezident rəsmən Səd Abad sarayədə bə İraği iminə vəziri pişvoz şə.

Im mərasimədə 2 qılə kişvəri himeni pəxş bey bəpeştə Həsən Ruhani və Adel Əbdul Məhdi ıştə heyəton bə yande elan kardəşone.

2 tərəf rə muzakirəon binoşon karde iyən bə jurnaliston soalon həm cəvob bıdən.

Muxtəlif siyasi, iğtisodi və mədəni əloğəon barədə muzakirə karde ım səfəri muhimmə hədəfonku ğeyd bıə.

İroni xarıci vəzir Muhəmməd Cəvad Zərif iyən İroni dıvlət kabineti kali uzvon ım mərasimədə huzurışon be.

İraği iminə vəzir deştə ali heyəti bə i co və de İroni prezidenti rəsmi dəvəti ımruj sıb bə İron ome.

Çandə çı İraği vəziron iyən deptaton həm de Adel Əbdul Məhdi bə i co bə İron varid bıən.

Səfəri vey muhimmə hədəf İronədə 3 minə mıştərəkə iğtisodi-ticari iclosi dəvoniyə ğeyd bıə.