Tehronədə Pakistoni i minə vəziri vindemonon.
İroni prezident Həsən Ruhani ımruj sıb Səd Abad sarayəsə rəsmən bə Pakistoni i minə vəziri pişvozı şe.
Bə İrirb raporti əsos ım mərasimədə 2 qılə kişvəri himeni hande bəpeştə rəsmən Tehronədə Omran Xani bərnoməon de heyəti ozvon elan karde bino bıə.
Vindemoni bəpeştə İroni prezident və Pakistoni i minə vəziri 2 tərəfi muzakirəon həm bino bıə.
Muxtəlif siyasi, iğtisodi iyən mədəni əloğəon Ruhani və Omran Xani muzakirəon mehvər elan bıə.
Omran Xan pinə şəvi de yolə heyəti bə Məşhəd varid be iyən ım şəhrədə de Xorasan Rəzəvi ostandar iyən co rəsmi şəxson vindemoni bəpeştə şiəyon 8-nə İmom Həzrəte Rıza(ə) pokə hərəmi həm ziyorətış karde.
Im səfər məntəğə xusosi çı Pakistoni mediyaonədə bənə tarixi vey muhimmə səfər elan bıə ki karde bəzne İron və Pakistoni miyono əloğəon tojə dıvrani ojəkə bıbu.
