Zərif:İron bə Amerkə muzakirə məsləhətış doə ni.

İron İslam Respublika xarici koon vəzir zinə de Amerkə CBS kanali votımonədə elanış karde Tehron bə Vaşinqton muzakirə karde məsləhətış doə ni.

Bə İRNA xəbon əsosi Muhəmməd Cəvad Zərif ım votımonədə CBS kanali  mocri idda vədə ki votəşe İron sentiyabrə manqi bə Trampı devlət muzakirə məsləhətış doə reaksiyaş nışon do və votışe:İron bə Amerkəvıjon muzakirə məsləhətış doə ni bəlkə bə çəvon tələbi cəvobış doə və ısət həm cəvob çəş kardə.

Zərif ıştə tojə məsləhəti barədə İron və Amerkə miyonədə zindoniyon əvəz karde həxədə votışe:İron və Amerkə nako ım koonışon əncom doə və ısət həm tojədən bəznen ım ko əncom doe.

İroni xarici koon vəziri votışe:İron 6 manq çimi bə nav zindoniyon əvəz karde məsləhətış bə Amerkə doə əmmo desbə ısət Vaşinqtonı tərəfo cəvobış sə ni.