Rusiya Mufti:İroni Şəhidə Lider çe Dinon Nezəti istiğomətədə qəmonış peqəte

Pars Tudey-Mufti və Rusiya Mısılmınon Dini Şura rəhbər jıqo hisob kardedə ki,İroni Şəhidə Lider Ayətullah Seyd Əli Xameneyi ıştə jimoni zəmonədə bo İslomi dinon nezəti istiğomətədə dıjdə qəmonış peqətə.

Bə Pars Tudey doə məlumoti əsos,Mufti Əlbir Kerqanov bə IRNA doə mısohibədə votəşe:Ğərbədə bəzi insonon,xususən həm Ğərbi islomçiyon,oxonə da soronədə çe sınniyon de şiyon miyono qıləy nığılə ixtilof icod kardey və ın ixtilofi bənə qıləy dəvardey nıbə divo təğdım kardero dıjdə səyon nışon doydən, qıləy holədə ki,əslədə jıqo qıləy çi mevcud ni.Əy bəyonış kardə:İroni Şəhidə Lider və İslomi Respublikə mərhumə lider həm daxil bıə holədə diqər yolə alimon fəoliyyəton məhz bo şiəyon və sınniyon miyono təfrığə eğandeyro bıə duyə cəhdon ifşo kardeyroye. Im rusiyəvıjə sınniyə dini alim çımi bənav çe İroni xalği mıxtəlifə təbəğəon miyono çe şəhidə lideri nıtği mərosimonku qıləyniyədə iştirok kardey ğeyd kardə holədə bəyonış kardə:"Şubhə niki ki,Əv,çe mıosirə dınyo hurmətinə lideronku qıləyni be;çe dınyo vəzyəti həxədə vijdon və dini elmon nəzəku sehbət kardə qıləy mutəfəkkir be." Əy,çe İroni Şəhidə Lideri bənə dini xıyzoni və qıləy sodə həyoti zınə bıə kateqoriya bey bəyonış kardə və votəşe:"Əv,çın dınyoku de cəsorəti şe və şəhid be.niyon nıbe,zirzəmiyonədə məxfi nıbe,əmmo ıştə dəftərxonədə be." Mufti Kerqanov ğeydış kardə:"İroni Şəhidə Lider çın dınyoku məğlub nıbə şikilədə şe,mısılmınon, xususən həm İroni İslomi Respublikədə etıbo kardə bənə qıləy zumandə lideri şəhid be."