Ruhani:İroni nati ixracati vədə mane təşkil karde Amerkəvıjon səhvə ğərole.

İron İslam Respublika prezdenti votışe:İroni nati ixracati vəy qəte Amerkəvıjon na səhih və səhvə ğərole.

İron İslam Respublika prezdent Həsən Ruhani ımruj Tehronədə koəkan,ko qrupon iyən nımonə ko mərkəzonku təşəkur karde milliyə mərasimi 30 minnə devrədə əlavəş karde:Amerkə cəhd kardə nati ixracati vədə problem icod kardeədə nahaşto İron ıştə nati ixracat bıkə ta çı royku İslamiyə Respublika  valiyota bəroməon kam bıbon.

İron İslam Respublika prezdenti votışe:Amerkə pidəşe İroni ehtiyocon bə bəzi məhsolon idxal karde ve bıbo və əlavəş karde ko əkan ısət Amerkə vədə mandeyu nav xətədə hestin.

Prezdent Ruhani işarəş karde Amerkəvıjon omə rujonədə bəinden ki İron ıştə nati ixracati dəvom bədoy və əlavəş karde bəzi məmləkəton Amerkə təziğon vədə bə domo okıriyən əmmo İroni millət  islamiyə inğilabi səbarz be əvvəlico desbə ısət həmmişə Amerkə vədə mandəy.