Amerkə İraği Kırdıstonədə həmməysə dıjdə konsuləti oney əsl məğsəd çiçe?

İrağıjə siyosi analitik çe Vaşinqtoni de bə seonist rejimi dastək doey və bə nat iyən ğazə məydonon nəzorət kardey məğsədi çe İraği Ərbil şəhrədə ıştə həmməysə dıjdə konsuləti oney əzmış bəyon kardə.

İrağıjə siyosi analitik Məhəmməd Əz-Zari Amerkə çe İraği Ərbil əyoləti mərkəzədə həmməysə dıjdə konsuləti oney əzm və məğsədonış bəyon kardə.

Bə Pars Tudey bə IRNA istinodən doə məlumoti əsos,Məhəmməd Əz-Zari votəşe:Amerkə ayəndədə bə vey vocibə enerji loyihə bıə bə nat iyən ğazə platforməon hakim beyro Ərbilədə ıştə həmməysə dıjdə konsuləti oney niyyətədəy.

In analitiki bəyonış kardə:Imi həm votey lozıme ki,Vaşinqton bə israyili nezə əraziyonədə əmniyyəti vəzyəti dəvomi təmin kardey və bo seonist rejimi təhdid nıbeyro əmniyyətin və bə qıləy nufuz ğəbul nıkardə cəbhə tənbdil kardero roon pəydo kardero cəhd kardedə.Əz-Zari həmçinin ruşinış kardə:Amerkə,bəştə təbyəti əsos,məntəğədə qıləy ziumandə kişfərış piyedəni.