Azərboycon bə Ğəzzə ərteş nibəvğande

De "Israel Hayom" nəşri pevolo kardə xəbə Аzərboycon bə Ğəzzə ərteş əğandıni

Аzərboycon Ğəzzədə bə Beynəlxalq sulhməraminə ğıvvon umjən qınə keşfəron restədə oxonə keşfər be ki, çın koyku bə kəno mande və ımən çe AİŞ prezident Trampi eçıni darıştedə. Məlumotədə votə bedə ki, hiç qılı keşfər ıştə ərteşi bo HƏMASi tərkisiloh karde ro vığande hozzo ni, Bokuən ıştə ərteşış bə təhlukə şodoe pidə ni.İsət İsrail ıştən bə hərəkət ome hozzo bedə: israili ərteş və umumi əmniyyətə xıdmət ŞABAK xəbədoəti kardə ki, HƏMAS otəş bıryeku bo silohin be və mevğeyon ğoym karde ro istifodə kardedə. Natanyahu bəyonış kardə ki, Ğəzzə tanqi tərkisilohin karde be kənoə ğıvvon mıdoxilə mumkun ni və qirəm beynəlxalq ğıvvon nıvon, İsrail ın ko bə ıştə qiy pebəğəte.Dınyo həmmə keşfəron Trampi eçınon ro bə Ğəzzə ğıvvə nığande bəyon karde bədiqə, İlham Əliyevən çın avantyuraku bə kəno okırye ğəror omə. Hələ lap sıftəku İsraili çe Azərboycon vırədə "ne" cəvob doəş be, əve bo Əliyevi əlidə alternativ cəvob mandə nı be.