Zərif: məntəğə bıhranon çı Amerkə macəra əsoxtə hərəkəton nəticəy.

İroni xarıci vəzir, Asiya ğərbədə bıhranon çı Amerkə ısətnə dıvləti canqtələbə siyasəton, macəra soxte iyən i tərəfə beməxə hərəkəton nəticə zınəş be.

Ğətərədə Asiya həmkarion votımon iclosədə Muhəmməd Cəvad Zərif qıləy ğudrəti iradəon bə co milləton icbor karde bənə təhdid hisobış karde və votışe: detosə bə zəmon ki çand tərəfə siyasəti icra karde sahədə kişvəron zərfiyətiku istifodə nıbu i tərəfə siyasəton karde bəzne venişə hukuməti çı ğanun hukuməti əvəzi ğəror bıdə.

Zərif çı məntəğə bıhranon votımon cəhəto həl kardə nin zınəş be və əlovəş karde: İron çandə faxt çımiku bənav Fars Dıyo məntəğə kişvəron icma icod karde təklifi elanış karde boçi ki sulh iyən rifo fəğət mıştərəkə sərnıvışti rəsmi zınə vositə icod bıdə.

İroni xarıci vəzir İronış bo çand tərəfi siyasətonro qıləy zumandə şərik hisobış karde və təkidış ka6 bo Asiya həmkarion votımonon təsirin beyro bəpe ciddi səy-cəhdon əncom bıbu.