Səudiyə hərbiyə təyarəon Səna şəhrışon bombardımon karde.
May 02, 2019 09:42 Asia/Tehran
Səudiyə Ərəbıstonı hərbiyə təyarəon zinə şanqo 12 kərə Yəmənı paytəxt Səna şəhrışon bombardımon karde.
Bə Telerədyo aqentəti xəbon əsosi Yəmənıjə mənbəon elanışon ka Səudiyə təcavuzkarə hərbiyə təyarəon Səna beynəlxalğə aeroport və Yəmənı paytəxti şimal Əldeyləmi həvoiyə mərkəzışon hədəf qəte.
bəzi xəbəriyə mənbəon Sənaədə çandə qılə şiddətinə tıpımoni sədo məseku xəbəşon doə.
Səudiyə rejimi hərbiyə təyarəon pəre Yəmənı paytəxti osmonədə dəvomış heste.