Vilayət nomo bıə hərbiyə manevrədə, İroni Təlaş(cəhd) nomo rəket imtıvon be.
-
Vilayət nomo bıə hərbiyə manevrədə, İroni Təlaş(cəhd) nomo rəket imtıvon be
İroni cənub məntəğonədə bıə Sepah və hərbiyə ğıvvon mıştərəkə manevri 3-nə rujədə, çı İroni Təlaş(cəhd) bumiyə rəketiyə sistem imtıvon be.
Bə İsna raporti əsas, bə velayəti osmoni mudafiə əkəyon nomo 7-nə hərbiyə manevri çəy 3-nə mərhələdə, dekabri 28ədə 1-minə kərə və de zumandəti, Təlaş(cəhd) nomo rəketiyə sistem iyən Ofoğ nomo rəketon otəş və ğudrəti kontoroləkə radar imtevon bən.
Im sistem ki təmam İronədə soxtə be və bumiye, karde bəzne de Səyyad nomo rəketi vasitə miyonəku bəpe harcurnə hədəfon məhv bıkə.
Velayəti osmoni mudafiə əkəyon nomo 7-nə hərbiyə manevri sıxanəvot, qeneral Əbbas Fərəcpur Ələmdari çın manevri kənoədə votışe: bım manevrədə ijən 27 sor çı İroni muğəddəsə 8 sornə mudafiyə bəpeştə, İroni Xark(cənub məntəğə) cəzirədə bıə rəketiyə sistemon, əcumlə Mirsad rəketiyə sistem, de Şələmçə nomo miyonə məsofə hədəfon məf əkə rəketon vey çok imtıvon bən.
İroni cənub məntəğonədə bıə Sepah və hərbiyə qıvvon mıştərəkə manevr ki çəy nom bə velayəti osmoni mudafiə əkəyon ğeyd be, ımsor 7 sore ki İroni cənub və cənub şərğ məntəğonədə bərpo bedə.
