Ətomiyə sazışi çərçivədə Avropa bəpe bəştə ehdımonon əməl bıkə.

İroni xarıci vəzir bə ətomiyə sazışi çərçivədə Avropa ibemoni ehdımonon əmək bey zəruriyati təkidış karde.

Bə İrna raporti əsos, Muhamməd Cəvad Zərif zinə Tvitter mesajədə elanış karde, Avropa ibemon İroniku i tərəfi bə ətomiyə saziş əməl karde barədə tələbon əvəzi bə ıştə ehdımonon əməl bıkən.

İroni xarıci vəzir əlovəş karde: ətomiyə sazışi barədə Avropa ibemoni tərəfo sadir bıə bəyoniyə təsdiğ kardedə ki boçi əm sazişi nəticə jığo bıə, çumçiku i sor Amerkə bo Avropa iyən dınyo ğoldorətiş karde və Avropa ibemon fəğət karde bəzne ıştə təəsufi elan bıə!

Muhamməd Cəvad Zərif əlovəş karde: Avropa ibemon İroniku bə qıləy çand tərəfi sazışi əməl karde piye əvəzi bəpe bəştə ehdımonon əcumlə ticari-iğtisodi mışkilaton həli əməl kən.

Avropa ibemon zinə elanış karde ki ijən ətomiyə sazışi himoyədorin əmmo im sazışi barədə harcurnə ultimatumi rədd bəkan.

Avropa ibemon ijən ım bəyoniyədə Amerka anti İron təhrimon oqardeyku ıştə təəsufi elanış karde və umidvar be İron bə ətomiyə sazışi çərçivədə bıə mıştərik kamisiya bəfodor bımando.

İroni prezident, Həsən Ruhani 2 ruj çimiku bənav iyən ətomiyə sazışi barədə Amerka ğəyri ğanuni rəftoron reaksiyaədə elanış karde ki İron detusə 60 ruji qəncin bıə uran və sanqinə ovi ijən nibəhəvate ta Avropa ım sazışi oqəteyro ciddi koon əncom bıdə.