Ruhani:İron jıqo zumande ki heç kəs əy təhdid karde əzın ni.

İron İslam Respublika prezdent 2 şanbə şəv İroni mıxtəlif vıronku bıə sınniyə alimony vindımonədə votışe:İslamiyə Respublika və İroni millət jıqo yolin ki heç kəs əy təhdid karde əzın ni.

Bə prezdenti məlumat ərosnə mərkəzi elanon əsosi Həsən Ruhani votışe:ımruj deşmenon tərəfo de cur bə curə təhdidon dim bə dim hestimon və əlavəş karde de yoliyəti və səbarzəti iyən deşmenon məğlub karde ım saxtə mərhələko həm dəbəvardemon.

Prezdent Ruhani,inğilabi həmmə səhnəonədə bə əhle sonnəti fəalə huzur və iştirak işarəş karde və votışe:əhle sonnət həmmə səhnəonədə məxsusən vıjnımonədə huzurış bə və ıştə nımayəndonışon vıjniyə.

Həsən Ruhani votışe:ironi İslamiyə İnğilab bə qıləy məxsusə məzhəb aid ni və İroni həmmə millət de har məzhəb inğilabi səhnəonədə fəal və  zumandə huzur və iştirakışon hest bı və ımon həmmə , məmləkət və inğilabi xıvandin.

İroni prezdenti votışe:sərhədiyə ostanonədə əhle sonnət inğilabi səbarz be əvvəliku desbə ısət həmmişə İroni islamiyə nizomi vəfodorə sərhədçi bən və əlavəş karde ımruj şohid hestimon ki şiə və sınni çokonə iyandı kənoədə məmləkəti inkişafiyi ğərorışon qətə.