Ruhani: İroni milləti əleyh Amerkə siyasəton anti bəşəriyət cinoyəte.

İroni prezident votışe: Amerkə nə de İroni dıvlət bəlkəm de 82 milyon İroni millət canq bəkarde.

Bə İroni prezident aparati məlomat ərosnə mərkəzi raporti əsos Həsən Ruhani zinə ğərbi Azərbaycan idariyə şura iclosədə bə Amerkə anti İron sanksiyaon işorəş karde və votışe: Amerkə hətto bə İron dəvo-damon iyən xorək idxal bey vədə mane bıdə.

İroni prezident təkidış karde ki İron bənə din, islam, izzət və istiğlol simvoli Amerkə vədəy ijən hiç faxt deşmənon fişar və təhdidon vədə təslim ni bəbe.

Həsən Ruhani votışe: İron ıştə nati bəhvate və de fəxr Amerkə sanksiyaon be əsər bəkay boçi ki sepiyə bina vədə İroni milləti məğlobiyət ə be ni.