Xorrəmşəhri ozodəti sorəqardış.

Imruj Xordadə manqi 3 minə ruj, mayə manqi 24 İroni Xorrəmşəhr nomo bıə şəhri ozodəti sorəqardışe, İroni təğvimədə ımruj çı mığovimət, isar və sabarzəti ruj nom noə bəy.

İroni muğəddəsə mudafiə fəxrinə rujonədə çandə yolə fəxrinə nımunə rujon hestin ki həmişə çı İroni milləti tarixədə əbədi bəmande, Xordadə manqi 3 minə ruj çəvonku qıləynie.

İroni Xorrəmşəhri ozod karde ğəhrəmanətii çəy muxtəlif xusyəton İroni tarixədə qıləy muhimmə noğtəy ki boiys bıə həminə zumandə rohiyə yəni deşmənon vədə mığovimət karde dəvardə dıvrəoni mığoyisədə vey bəştə aliyə dərəcə və miğdor bırəsi.

Xordadə manqi 3 minə ruj nəi fəğət Xorrəmşəhri ozod karde bəlkəm İroni mudafiə ğudrəti nışonə və təcavuzkaron vədə istiğaməti simvole.

İronədə ımruj vey yolə mərasimon dəvoniye bəbe və cəmaət vey bə ım ruj ehtırom kardedən, ta ujnən millət həmonə rujon ğəhrəmanəti iyən muğaviməti yod və xatirəonədə bəji oqəton.

Ğey kəmon ki İroni cənub ğərb məntəğədə bıə Xorrəmşəhr de Beytul-Muğəddəs nomo hərbi əzəmətinə əməliyoti 578 ruj işğali bəpeştə Səddam diktatorə rejimi dastiku ozod be, tarixədə ım səbarzə əməliyot çı İroni milləti muğavimət və fidokarətion simvolon ki qıləy erjinə nımonə hisob bıdə.