Fars Dıyoədə Amerkə hərbi qəmion İroni kontrolədən.

İroni sepah təşkilati caneşin votışe: Fars Dıyoədə Amerkə hərbi qəmion əməliyot əncom doe əzı nin və kamilən de İroni sepah və ərtış ğıvvon kontrol bıdən.

Admiral Əli Fədəvi təkidış karde ki dəvardə dıvrani muğaisədə ısət Amerkə vey kamə qəmion Fars Dıyo mısəllətin Admiral Fədəvi votışe: İroni ım hakımiyət bois bıə ki ısət Fars Dıyoədə bıə Amerkə hərbi qəmion qırd farsi qəp jedən və əvon ım dıyo və Hurmoz tanqəku dəvarde faxti İroniku icozə tələb kardedən.

Əmmo Asiya Ğərbədə Amerkə hərbi təhrikədə siyasəton reaksiyadə İroni xarıci vəzir votışe: de pesoxtə bıə iddiaon bə məntəğə hərbion varde vey xətərnok iyən beynəl xalğ sahədə sulh və əmniyyəti təhdidəkəy.

Muhəmməd Cəvad Zərif çı Amerkə ım hərəkəti Fars Dıyodə bıhran icod karde çərçivədə zınəş be.

Donald Tramp zinə elanış karde ki Amerkə bə Asiya ğərb məntəğə 1500 nəfər hərbi vığande pidəşe ta jəqoti  iddioş karde İroni təhdidon vəy beqəti.