İroni millət islam iyən inğilabiku mıdofiyə kardeyu həmmişə hozzın.

İron İslam Respublika kəşfiyyat vəziri votışe: ironi millət həmmişə və ha zəmanədə islam iyən islamiyə inğilabi hədəfonku mıdofiyə kardeyu hozzı heste.

İroni kəşfiyyat vəzir Məhmud Ələvi zinə ironi cənub ğərb Abadan şəhrədə kərimə ğıroni umumiyə musabığə 6 nə devrədə votışe: 1388 nə sori dey manqi 9 bərobər de milady 2009 nə soro dekabri 30  inğilabi erjon iyən əsosə məsəlonku mıdofiyə kardeyu ironi inğilabiyə milləti rost be ruj be.

Ələvi əlavəş karde ironi millət çandə kərə subutış kardə ki  vaxti sıxan inğilabi əsosə çionku bə miyon omedə bə meydon daxil bedən və ıştə hukumətiku mıdofiyə kardən.

ironi kəşfiyat vəziri votışe: ironi millət 2009 nə sori zımsonə fəslədə vaxti vindışone Aşura Əhli beyt(ə) iyən vilayəte fəğih ehtıron arəku şedə və bəvon be ehtıroməti bedə vilayəti pərçəmi jiyədə islami əsosə çion iyən binovrəku mıdofiəşon karde.

dey manqi 9 nə ruji mərasim bəsirət iyən milləti de vilayət əhd bastə ruj ironi mıxtəlif qruponədə bə cəmaəti iştirak kardeədə həmmə ostanonədə bərpo be.

ironi millət 1388 nə sori dey manqi 9 nə ruji bərobər de miladiyə sori 2009 dekabri 30 nə ruji milyoniyə mitinqədə na səhihə roədə bə kəsonku ıştənışon co karde və bə kəson ki ironi prezidenti 10 nə vıjnımonədə təğəllubi vavunədə bə na səhihə ro eqıniyə bin qıləy zumandə cəvobışon do.