Ğalibaf:Viloyəti məhvəri ətrofədə vəhdət zumandə İroni şərte

Pars Tudey-İroni İslomi Şura Məclisi sədri təkidış kardə:Imruj iminə məsələ əslədə İroni zumandətiye və əmə ın məsələ bəsə navnəsə vey hiss kardedəmon.

Pars Tudey bə İroni Tele-Rədyo Şirkəti istinodən doə məlumoti əsos,İroni İslomi Şura Məclisi sədr Məhəmməd Bağır Ğalibaf bə "Zumandə İroni " məsələ dığğət nışon doey vocibəti təkid kardə holədə votəşe:"Imruj iminə məsələ əslədə çı İroni zumandətiye və əmə ın məsələ bəsə navnəsə vey hiss kardedəmon”.Bə oxonə ço-penc sori,yəni bə Şəhid Suleymoni şəhodətiku jıqoşə nəzə səğandəmon,bəvindemon ki,çəmə şəhidə imom hejo bə "Zumandə İroni" məsələ təkid kardəbe. Əv,bəştə sıxani dəvomış kardə:"İnğılobi dıminə qəmədə,İslomi İnğılobi Ali Lideri rəhbərəti jiyədə,əmə bəpe zumand kardey koy dığğət nışon bıdəmon.Çın zumandəti şərtonku qıləyni həm çe viloyəti məhvəri ətrofədə bıə vəhdəte. Əmə,rəsmiyon,iminə nevbədə bo fəğihi viloyəti ojə dast icod kardəninimon."Əmə əqər bə qıləy zumandə İroni soyb beyımon piyedəbu,bəpe çiyo binokəmon;Demi həm,bıdə har qıləy ironıj zumand bıbu,bıdə ironıjə xıyzonon zumand bıbon,bıdə çəmə millət zumand bıbon və nəticədə İslomi İnğılob və çəmə əzizə İron zumand bıbu.Bəpe əmə ıştə canqədə bıə ğələbə mehkəm bıkəmon. Əv,bə oxonə mıhoribə işorə kardə holədə bəyonış kardə:Muharibədə bıə ğələbə bəpe əy mehkəm bıkəmon.ım,şubhə ni ki,kişfəri bə vəomə umudəvo bey,ayəndə vizyoni ruşin bey,ibemon və vəhdəti bə formə dənoey və xandi kardey tələb kardedə.