Imruj xordad manqi 15 mərhum İmom Xomeyni tarixiyə ğiyami sorəqardışe
Imruj 4 şanbə xordad manqi 15 milady 2019 minnə sori iyoni 5 hicri şəmsi 1342 nə sori bərobər de milady 1963 nə sori mərhom İmom Xomeyni tarixiyə ğiyami sorəqardışe.
Hicri şəmsi 1342 nə sori xordad manqi 15 minnə ruj islamiyə inğilabi tarix və İroni milləti islamiyə inğilabi bino beədə qıləy əsosə hərəkət bı.
pəhləvi rejimi məmoron 56 sor çimi bə nav xordad manqi 15 minnə ruji qıləy telə hadisədə Ğomı Feyziyə mədrəsədə mərhom İmom Xomeyni ifşa əkə sıxanon bəpeştə ım mığəddəsə şəhrədə bə İmom Xomeyni kə hucumışon karde və əvışon dastqir karde.
mərhom İmom Xomeyni,aşoraye Huseyni ruji Ğomı Feyziyə mədrəsədə ıştə zumandə qəponədə pəhləvi tejimi cinayəton və şah de israil rejimi rabitonış oşko karde.
milləti tərəfo ım etirazinə hərəkəton bəpeştə,rejimi əmniyətiyə təşkilati məmoron bə Ğomı feyziyə mədrəsə vəhşiyə hucumədə millətiku xəylionış şəhid,yarəjə iyən dastqirış karde.
ım tarixiyə ğiyam.islamiyə hərəkati de pəhləvi zılminə rejimi dim bə dim be bino be bəy və islamiyə inğilabi fiki,siyasi və ictimaiyyətiyə əsosə məsəlon təşkil doeyu çokə şərayetış icod karde.
Oroni islamiyə Respublika təsis əkə mərhom İmom Xomeyni hicri şəmsi 1342 nə sori xordad manqi 15 minnə ruji bə şah rejimi zılminə hokoməti zid ıştə siyasiyə ğiyamış bə qıləy muhimmə mərhələ rosnişe və 10 sorisə veyə mıddətdə xəyli saxti mincumlə məmləkətiku bə xaric təbid bees vinde.
mərhom İmom Xomeyni ğiyam 1963 nə sori əvvəliku təşkil be və 1979 nə sori İroni İslamiyə inğilab bə səbarzəti rəsə və de yəğini xordad manqi 15 minnə ruji ğiyam ım islamiyə ğiyami səbarzətiədə oşko və ruşinə rolış ifa kardə.