Qeneral Musəvi: İroni silohinə ğıvvon komilə hozzətiədən.

İroni ərtış ğıvvon fərmondə votışe: İroni silohinə ğıvvon de zumandəti deşmənon vədə muğavimət bəkan.

Qeneral Seyed Əbdul Rəhim Musəvi bə İrib aqentiyəti votışe: əqə bənə canq hadisəon İron təhdid bıkə İron hukmən deşmənon pəşimon bəkayə.

Tojədən İroni ərtış ğıvvon həmohənqəkə muavin Admiral Həbibullah Səyyari həm ıştə tojə mısohibədə Farsədə Amerkə hərbi qəmion təbliğiyə bərnoməon və huzuri barədə təkidış karde: İroni hərbion bə hiç kişvəri icozə ni bədon ki bə İroni sərhəddon nezə bıbun.

Qeneral Admiral Səyyari bə Fars və Uman Dıyoədə kamilə çı deşmənon hərəkəton kontroləkə əməliyaton işorəş karde və votışe: məntəğədə xarıci kişvəron huzur noəmnion bois bıə.

Anti İron siyasəton dəvomədə Amerkə ijən çandə hərbi təchizatonış bə Fars Dıyo tərəf vığandəşe.