Bə İron Amerkə bepilotə təcavuzkarə təyyarə məhv karde detalon.
İroni sepah təşkilati umumiyə rabitəon Amerkə cəsosiyə bepilotə təyyarə məhv karde barədə detalon elanış karde; ım təyyarə bə İroni həvo sərhəd təcavuz kardə be.
Bə İrib raporti əsos ım bəyaniyədə ğeyd bıə: Amerkə Qelobal Havk nomo bıə cəsosiyə təyyarə zinə sıb saət 00:14 Fars dıyo cənub məntəğəku bıə qıləy hərbi məlom bıə bazaku rost be iyən Avyasiya beynəl xalğ ğanuni əks qırd ıştə rabitə bərğərorəkə təchizaton okoştə forma iyən de məxfikorə əməliyoti İroni Hormoz tanqəku bə Çabəhari tərəf hərəkətış ka.
Im bəyaniyədə təkid bıə: ım bepilotə təyyarə oqarde faxti bə Hormoz tanqə ğərb İroni sərzəmin daxil be və cəsosəti karde faxti zinə sıb saət 04:05 İroni sepah təşkilati Avyasiya ğıvvon əməliyoti vasitə məhv be.
RQ4C modelış bıə Qelobal Havk çı dınyo vey modernə cəsosiyə təyyarə hisob bıdə ki çəy ğəymət 200 milyon dollariku vey elan bıə.
