Tehronədə Tir manqi 7-ə ruji terroristiyə tıpemon.
Imruj təğvimədə Tir manqi 7 iyən İyonə manqi 28 ğeyd bıə, 38 sor bənav bənə lmruj qıləy terroristiyə tıpemon Tehronədə bıə İslami Cumhuriyət partiyə vırədə əncom be.
Bın terroristə vağeyədə,Tehronədə İslomi Respublikə Partiyə iştimoyi salonədə bə qıləy zumandə bombə tıpıney vositə kişvəri Ali Məhkəmə rəyis Seyd Məhəmməd Huseyni Beheşti de kişvəri 72 qılə co məsul şəxson bə ico, min cumlə 4 qlə vəzir, 12 qılə vəziri muavin və təxminən 30 qılə məclisi nımoyəndə, bə şəhodət rəsin.
Tir manqi 7ədə terroristə plan İroni inğilobi səbarzəti bəpeştə qıləy xəbisə hərəkətonku qıləyni be ki i ruj Tehroni Əbuzər məmidədə ım terroristiyə qurupi bə Ayətullah Xamenei soei ğəsd karde bəpeştə əncom bıə.
Çandə manq bəpeştə həm şəhrivərə manqi həştədə həm 1981-ə sori avqustə manqi 29-ədə de qıləy terroristə tıpemoni vostə məmləkəti prezdent Muhəmməd Əli Rəcayi və iminə vəzir Məhəmməd Cəvad Bahunər bə şəhodət rəsin.
1981 və 1987-ə soronədə bıə İyonə manqi mıddətədə de Amerkə himoyəon İronədə vey terroçiyə planon əncom be ki de İroni Yolə Rəhbəri tovsiyə Amerkə insonə həxon haftə nom noə bıə.
Ironi millət çı terrorizmi ğıboni bıə və 17 həzo nəfər beqınoə millət,de ğərbi vositə himoyə bıə terrorizmi ğıboni bıən.de terrorizmi mıborizə bardey iddioədə bıə Amerkə iyən kali Avropə kişvəron nəzəku, mınofiğon İroni millətiku 12 həzo nəfərisə veyə insonon terror kardeşone,boəvon hiç qıləy əhəmiyyətış ni.
İroni Sərdəşt məntəğədə Səddam rejimi kimyavi həmləku himoyədorəti karde iyən İroni təyyorə de 290 qılə sərneşini Fars dıyo osmonədə məhv karde Amerkə anti bəşər həxon karnaməku hisob bıdə ki bə İron zidd əncom bıə.
Amerkə bə İrağ həmlə kardey iyən Səddam rejimi məhv bey bəpeştə həm Munafeğin terrorçiyə qurup ıjən çı Amerkə himoyəon jentonədə bə anti İron fəaliyəton dəvom dodə.
