Seneqalədə İroni xarıci vəziri vindemon iyən muzakirəon.

İroni xarıci vəzir və Seneqali prezident bə həmmə sahəonədə 2 tərəfi əloğəon inkişof təkidışon karde.

İroni xarıci vəzir Muhəmməd Cəvad Zərif ki ıştə çand haftə səfəri oxoyədə Boliviyaku bə Seneqali paytəxt Deakar varid be zinə de ım kişvəri prezident maki sal vindemon karde 2 tərəfi və məntəğə vey muhimmə mıvzoon barədə muzakirə və sohbətış karde.

Im vindemonədə Zərif elanış karde ki de Afriqa kişvəron əloğəon inkişof İroni xarıci siyasətədə vey muhimm iyən stratejik hisob bıdə.

Çımiku bənav həm Zərif Seneqali xarıci vəzir Əhmədo Ba vindemon karde həm bə 2 qılə kişvəri miyono ticari, enerji, maşin soxtə və nano texnoloqiya baxşonədə bıə əloğəon təkidış ka.

2 tərəf mıştərik iğtisodi icloson dəvoniyə, beynəl xalğ təşkilatonədə yandeku himoyə karde, islam dınyo və Fələstini məsələ barədə vəhdət iyən məntəğə əmniyyəti barədə həm muzakirəşon be.

İroni xarıci vəzir təğribən 2 haftə bəpeştə bə Niyoyork, Venezoela, Nikaraqoa, Boliviya iyən Seneqal səfər karde iyən çandə iclosonədə iştiroki bəpeştə bə Tehron ome.