Ruhani:əcnəbiyə ğıvvon huzur məntəğədə bə noəmni bois bedə.

İron İslam Respublika prezdenti votışe: xariciyə ğıvvon huzur ne ım ki bə məntəğə əmniyyəti komək əkə ni,bəlkə problemon əsosə dəlil hestin.

Həsən Ruhani zinə Tehronədə Ommanı xarici koon vəzir Yusif Bin Ələvi vindımonədə votışe:İron və Omman Hormozı tanqə əmniyyəti təmin karde əsosə məsuliyyətış heste və əlavəş karde İron həmmişə cəhd kardə ta Ommanı dıyo və Fars dıyo iyən Hormozı tanqə beynəlxalğə ozodə ovonədə kəştion hərəkətiyu əmnə ro bıkə.

İroni prezdent  Suriyə xərobətion ovonə karde iyən avərəon bə məmləkət oqırdıneş iyən Yəmənı be qınoə milləti kışte vəy qəteş məntəğəiyə həmkarətion muhimmə məsələş zınə və votışe: sionist rejimi təcavuz ,Fələstinı milləti kışte və avərə karde,Fələstinıjon binaon xərobə karde və Fələstinıjon tale yu xətoə bərnamon ,"əsri muğavilə" nomo bıə planədə niqəran əkəy.