Bəhreynədə ale xəlifə tojə cinayəton vədə inğilabi yolə rəhbəri reaksiya.

Bəhreynı ale xəlifə rejimi tərəfo 2 qılə bəhreynıjə cıvoni bə şəhodət rosne bəpeştə islamiyə inğilabi yolə rəhbəri əsəron hifz iyən nəşr əkə mərkəzi ərəb zıvonə tuviter səhifədə ım cinayəti vədə Həzrət Ayətullah Xamenei nəzərış nəşr karde.

İslami İnğilabi yolə rəhbəri ım hadisə barədə votışe: zılm və zu dəvom pəydo nibəkay və ədolət tələb əkə milləton ğərol və iradə nəhayətdə bə səbarzəti bərəse.

Ale xəlifə rejim bə etirazəkon zid ıştə təziğon dəvomədə şanbə ruji Bəhreynıjə cıvonon Əhməd Əlməlali 24 sorə və Əli Ələrəb 25 sorə ışkəncə bəpeştə edam kardən.

İslami İnğilabi yolə rəhbəri çimi bə nav həm xəyli baxşonədə bə ım rejimi cinayəton işarə və əvonış məhkum kardə be.