Admiral Xanzadi:Fars dıyoədə fəribkarə tiyatron vaxt sə bə.

İroni dıyo silahinə ğıvvon fərmondə məntəğəku bə kənoə ğıvvon xəbərdarətiş do və votışe: Fars dıyoədə fəribkarə nımayeşon devran sə bə və deşmenon bəpe təcili məntəğə tərk bıkən.

Bə İRNA xəbon əsosi İroni dıyo silahinə ğıvvon fərmondə admiral Həsən Xanzadi zinə şanqo İroni Kiş cəzirədə nığılə ovonədə hərbion ğəvvosəti beynəlxalğə musabığon orəxe mərasimədə votışe:Amerkə,İnqiltərə,sionist rejim və çəvon şərikon bəpe bıznon dıyoədə islamiyə muğavimət cəhbə təşkil be iyən zumand be holədəy və məntəğə sərvəton dızdiye devran bə oxo rəsə.

Admiral Xanzadi məntəğədə bə sulh və əmniyyəti hifz be zərorəti işarəş karde və votışe: cəmiyə sulh və əmniyyət dıyoədə bə dustiyəti,həmkarəti,həmdıləti və iştirakinə dərəse ehtiyociş heste ki bəzi istikbariyə ğıvvon çəy dərəseku ocizin.