Ruhani:İron dınyoədə problem icod karde domoədə ni.

İron İslam Respublika prezdenti votışe: Tehron dınyoədə problem icod karde domoədə ni və votışe:İron məntəğə və dınyo əmniyyəti tələb kardə və de dustə məmləkəton həmkarəti kardeyu cəhd kardə.

İron İslam Respublika prezdent Həsən Ruhani ımruj Tehronədə 110 qılə bina dute icraiyə əməliyati mərasimədə votışe: heç qılə məmləkət İroni məğlub karde əzın ni və əlavəş karde əvoni ki de ixtisadiyə terarizm İroni millətışon de sank siya dim bə dim kardə bəpe bəştə doə vədəon əməl bıkən və xətoə roonku dast bıkəşon və de ehtırom ironi milləti həxi bə rəsmiyyət bıznon.

Prezdent Ruhani votışe: sank siyaon və deşmenə rabitonku dast nıkəşə  holətədə ,İron və Amerkə rabitədə heç şi əvəz nibəbe.

İron İslam Respublika prezdent eyne holədə bə Amerkə iddaon işarəş karde ki qoya İron atom silah soxte domoədəy və əlavəş karde İron atom silah soxte domoədə ni çun ki islamiyə Respublika iradə və hərbiyə doktorin bə ğanoniyə silahon əsose.

prezdent Ruhani votışe:ironi ım siyasət deşmenonku tarsı xoto ni bəlkə bovəon,əxlağ və islamiyə inğilabi yolə rəhbəri fitva xotoy.

İron İslam Respublika prezdent Tehroni atom sazışədə bə mandə tərəfon muzakiron dəvomi həm işarəş karde və votışe: əqər atom sazışədə mandə bə tərəfon bəştə doə bə vədəon oqardon İron həm atom sazışədə ıştə doə bə vədəon icra bəkay.