Zərif:Amerkə ğanun darışte atom sazışiku bə kəno mandeədə onibərəxə.

İroni xarici koon vəzir de Raşatoday TV mısohibə votışe:Avropavıjon bəpe bıznon ki Amerkə həvəs ğanon darışteyu ,atom sazışi bə lınqi ji noeədə ğət əbı ni.

Muhəmməd Cəvad Zərif ki de Rusiyə rəsmi şəxson vindımon kardeyu bə Maskva səfərış kardə zinə şanqo de Raşatodey kanali votımonədə atom sazışədə mıştərəkə fəaliyyəton həxədə bə Avropavıjə tərəfon  voə bıə vədəon əməl karde həxədə işarəş karde və votışe:Avropavıjon bəpe bıznon ki Amerkə meyl və həvəs beynəlxalğə ğanonon darışteyu har vırə və zəmonədə ki bə çəvon nəf bıbo əncom bədon və atom sazışədə problem icod kardeədə çəvon ğeyre ğanoniyə koon bə oxo nibərəse.