Həzrət İmom Huseyn(ə) əzadariyə mərasimi 2 minnə şəv inğilabi yolə rəhbəri huzurədə.
Məhərrəmə manqi 8 nə şəvi şəhidon səid və salar Həzrət Əbaəbdillah Huseyn(ə) əzadariyə mərasim de islami inğilabi yolə rəhbəri huzuri iyən 3 qılə ğıvvə rəison və mıxtəlif qruponədə bıə cəmaəti iştirak kardeədə mərhom İmom Xomeyni huseyniyədə bərpo be.
Bə yolə rəhbəri dəftərxonə məlumatərosnə mərkəzi şanbə şəvnə məlumaton əsosi ım mərasimədə huccətul islam vəlmuslimin Ali ıştə sıxanonədə cıvonış tarixədə həxə ğiyamonədə mincumlə Həzrət seyyeduşohəda(ə) ğiyamədə navədə hərəkət əkəş zınə və islamiyə inğilabədə iyən mığəddəsə mıdofiyə devranədə və mədəni iyən elmiyə cihadon mıxtəlif baxşonədə cıvononış xətti əvvələdə zınəşe və votışe:islami inğilabi yolə rəhbər 2 minnə qəmi(ğədəmi) bəyonotdə cıvononış ıştə məxsusə muxatəb ğəror doə və islamiyə inğilab ıştə komil kardə hərəkəton dəvomiyo ve nığıl bə təəhhodin,mıtəxəssis və inğilabiyə cıvovon xəllağiyət və nıtarsəti məmləkəti mudiriyəti və icraiyə baxşonədə ehtiyociş heste.
huccətul islam Ali,deşmeni mədəniyə hucumi vədə Həzrət Əli Əkbər(ə) qətə roş ımrujnə cıvononru çokə olqoş zınə və votışe: cıvononi ki deşmenon qonə mədəni və pisixi hucumon vədə bıznon ıştə iffət və həyo hifz karde və vilayətiku co nıbon Həzrət Əli Əkbər(ə) roədən.
ım mərasimədə cənabon Vazehi və Sələhşor mısibəti zikrışon vote və nohəşon hande.
dınyo şiəyon 3 minnə imom Həzrət Əba Əbdellah Huseyn(ə) şəhodəti əyyami əzadariyə mərasim hicri ğəməri 1441 minnə sori məhərrəmə manqi 7 nə şəviku desbə Məhərrəmə manqi 12 minnə şəv,6 şəvi mıddətdə Tehronədə mərhom İmom Xomeyni Huseyniyədə bərpo bedə.
Dınyo şiəyon 3 minnə imom və həzrəti vəfodorə əshab hicri ğəməri 61 minnə sori Məhərrəmə manqi 10 nə ruji Kərbəloədə bə şəhodət rəsin.
