Ruhani: Amerkə terrorizmi hevujəkəy; Niyuyorkədə İroni prezidentəti vindemonon.

İroni prezident, Asiya ğərb məntəğədə terroriston yeqanə himoyə əkə Amerkə hisobış karde.

Həsən Ruhani ki bə Niyuyork səfər kardış bə Faksniyoz kanali votışe: Suriyə ədə Amerkə hərbiyə mıdoxiləon əv həm be Suriyə dıvləti icozə, Asiya ğərbə ədə bıə Amerkə terrorizmi nımunəy.

İroni prezident votışe: Amerkə nəzəku iştə kişvəriku mudafiə əkə Yəmənıjon terroristin əmmo əvoni ki bə ƏRəbiston muxtəlif bomba iyən silahon həvatedən ta bə Yəmən təcavuz bekon nı.

İroni prezident bə Hormuz sulh nomo bıə İronıjə plani işorəş karde və votışe: İron ıştən Asiya ğərbədə sulhi icodəkəy.

Ruhani Niyuyorkədə de Amerkə rəsmi şəxson vindemon karde barədə həm votışe: Amerkə əkə bə muzakirə meylış heste bəpe anti İron iğtisodi terrorizm və sanqsiyaon ləğv koy.

İroni prezident ki İ Bıə Milləton Təşkilati umumiyə iclosədə nıtğ karde xoto bə Niyuyork səfərış karde de Amerkə mediyaon mudiron vindemon karde həm bə muxtəlif kişvəron xususi Fransə vositə bey işorə əmmo təkidış karde ki İron və Amerkə miyono bıhranon kambey xoto bəpe anti İron sanqsiyaon ləğv bıbun.

Ruhani detosə bə ısət Niyuyorkədə de Yaponiya, Pakiston, Fransə, İsveç, İsveçrə, Espaniya, Almaniya və İnqiltərə rəsmi şəxson vindemonış karde.